وأنا طفلة قاعدة عالارض وسط الكبار والسهراية كلام فى السياسة كانت ،كلمة"الشعب" او"الناس"تخلينى أسال نفسى : قصدهم مين ؟ مين "الشعب "مين" الناس "الجواب جوايا كان لما نطلع ناس كتير نملأ الشوارع والحوارى من اسكندرية لااسوان زى ما طلعنا لما الانجليز نفوا سعد زغلول سنة 19 .
ولما كبرت وجريت على الشارع وناس كتير قوى بتندفع من كل حتة لما اعلن عبد الناصرالتنحى ، وملينا الشوارع والحوارى من اسكندرية لاسوان نقولة لأ.......مش من حقك ، احنا ما اتهزمناش، لازم نكمل ، واحنا قدها. دول "الشعب" دول " الناس "اما شوية ناس بطلعوا يشتموا الجزائر ولا يحرقوا كنيسة ،ولا شوية مسلمين تطلع تشتم المسحيين ، ولا مسحيين يتظاهروا فى كنيسة ....ولا شوية غوغاء يطلعوا يحرقوا دكاكين ، فدول.." ناس" ......مش "الناس" مش "الشعب.
ليست هناك تعليقات:
إرسال تعليق